د اوبو او انرژي سرپرست وزیر پکتیا ولایت ته سفر ترسره کړ
د ا.ا.ا د اوبو او انرژي سرپرست وزیر محترم الحاج ملا عبداللطیف " منصور" د ولایتونو د سفر په ترڅ کې پکتیا ولایت ته سفر وکړ.
نوموړي ددې لیدنې په بهیر کې د پکتیا ولایت له مرستیال والي محترم مولوي صاحب انعام الله صلاح الدین او د پکتیا ولایت د فرعي سیندیزي حوزې له رئیس محترم مولوي صاحب محمد کریم فاتح سره ناسته ترسره کړه.
په یاده ناسته کې په پکتیا ولایت کې د اوبو د مدیریت او برېښنا د تولید په هکله خبرې او د نظر تبادله وشوه، وزیر صاحب یادو چارواکو ته ډاډ ورکړ چې شته امکاناتو ته په کتو به ددوی د ستونزو د حل په موخه اقدامات وکړي.
دغه راز محترم وزیر صاحب ددغه سفر په ترڅ کې له پخوانیو جهادي قومندانانو محترم قومندان صاحب شیرالله، حاجي صاحب جلیل، حاجي غلام نبي، محمد کریم، محمد رحیم، او حاجي ستار سره ناسته ترسره کړه، ښاغلي وزیر صاحب له یادو قومندانانو سره د علاقې وړ او اړینو مسایلو په هکله بحث او د نظر تبادله وکړه؛ د هغوی د تېرو جهادي فعالیتونو او قربانیو یادونه یې وکړه او ویې ویل چې مونږ ستاسو قربانیو او اتلولیو او د اوسني اسلامي نظام د ټینکښت په هکله ستاسو نظرونو، نیوکو او وړاندیزونو ته د قدر او درنښت په نظر ګورو.
