د اوبو او انرژي وزارت او د یونسیف موسسې ترمنځ د همغږۍ ناسته ترسره شوه
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې په افغانستان کې د یونسیف موسسې د اوبو برخې له مسؤل سره د همغږۍ ناسته ترسره کړه.
په دغه ناسته کې، دواړو لورو د اوبو او انرژي وزارت او د یونسیف موسسې تر منځ د همکاري پر پیاوړتیا په ځانګړي ډول په افغانستان کې د اوبو د مدیریت د پراختیا په برخه کې بحث او د اندونو تبادله وکړه.
د اوبو او انرژي وزارت د اوبو معین په دغه ناسته کې د یونسیف موسسې د اوبو برخې له مسؤل څخه وغوښتل چې د اوبو په سکتور کې د همکاري برسېره، د وړتیا لوړولو برنامو او د انجنیرانو د تخنیکي مهارتونو په پياوړتیا کې هم همکاري وکړي.
په ورته مهال، د نوموړې موسسې مسؤل هم د اوبو په سکتور کې دوه اړخیزه همکاري ارزښتناکه او اړینه وبلله او د اوبو او انرژي له وزارت سره یې د هر اړخیزې همکاري ژمنه وکړه.
