د اوبو او انرژي وزارت خپروونکي ارګان ۲۵ ګڼه مجله( اوبۀ او انرژي) چاپ شوه
د اوبو او انرژي وزرات د اطلاعاتو او نشراتو ریاست له لوري د دغه وزارت خپروونکي ارګان ۲۵ ګڼه مجله (اوبۀ او انرژي) نوي له چاپه راوتلې ده.
په دغه مجله کې په مرکز او ولایتونو کې د دغه وزارت اړوندو پروژو او د وزارت د رهبري مقام له پانګوالو، اړوندو مسؤلینو، قومي مشرانو سره د لیدو کاتو راپورونو ترڅنګ، یو شمېر علمي- تخصصي مقالو ته هم ځای ورکول شوی دی.
د اوبو او انرژي وزارت د اطلاعاتو او نشراتو ریاست د (اوبۀ او انرژي) مجلې له ټولو درنو لوستونکو څخه په خورا درنښت غواړي چې د دغې مجلې د مطالبو د لا غوره والي په موخه خپل اندونه او وړاندیزونه زمونږ سره شریک کړي.
