د اوبو او انرژي وزارت دمقام د دفتر ریاست د کارونو د څرنګوالي په هکله د اوبو او انرژي د وزیر په شتون کې ناسته وشوه.
دغه ناسته د اوبو او انرژي د وزیر محترم ملاعبداللطیف "منصور" تر مشري لاندې په داسې حال کې چې د وزارت د مقام د دفتر عمومي رئیس قاري صاحب محمد عبدالعزیز "عزیز" د مطبوعاتو او نشراتو رئیس حاجي غلام جیلاني "حق پرست" او د مقام د دفتر د ریاست ټولو کارمندانو پکې ګډون درلود ، ترسره شوه .
په دغه ناسته کې د اوبو او انرژي سرپرست وزیر د دفتر کارمندانوته د تیر شوي اختر دمبارکي ترڅنګ د چارو د څرنګوالي او جریان وضعیت وڅیړه، هغوی يې د هیواد د خدمت په لاره کې لازیاتو کوششونوته وهڅول.
محترم منصور صاحب د دغو کارمندانو همیشنۍ هلې ،ځلې وستایلې ،زیاته يې کړه چې په اوس وخت کې د هیواد د رغونې په لاره کې خدمت ز مونږ ترټولو مهم دیني او ملي مسئولبت دی. دوی ټینګار وکړ چې د دې مسئولیت د ترسره کولو لپاره باید مونږ ټول خپلې هڅي په کار واچوو.
ناسته د هېواد د سمسورتیا او پر مختګ په دعاْ سره پای ته ورسېده.
