د اوبو او انرژي وزارت د اوبو معین د اوبو چارو د عمومي ریاست، اړوندو څانګو او ادارو له کړنو څخه د یو لړ پخوانیو کتنو په لړ کې څارنه وکړه.
د اوبو او انرژي وزارت د اوبو معین ښاغلی انجنیر مجیب الرحمن عمر د اوبو چارو د عمومی ریاست د اړوندو ریاستونو او مدیریتونو د تطبیق او فعالیتونو وضعیت له نږدي وڅیړل.
د اوبو او انرژي وزارت د اوبو معین د دې ادارې د فعالیتونو او ورځنیو کړنو د ارزونې پرمهال له ټولو کارمندانو څخه اړین معلومات وغوښتل او د چارو د لا ښه والي په موخه یې لازمې لارښوونې وکړې.
ښاغلي عمر د اوبو د چارو عمومي ریاست له اړوندو ادارو څخه د لیدنې پر مهال د اوبو د تنظیم عمومي ریاست کارکوونکو ته لارښوونه وکړه، چې په اوسنیو شرایطو کې د اوبو د مدیریت د اهمیت په اړه ولس ته معلومات ورکړي، ترڅو د اوبو د سپما په موخه اعلانونه وشي. او ویډیو يې کلیپونه چمتو او ترتیب شي ، ترڅو د وزارت د ټولنیزو پاڼو او ملي راډیو او ټلویزیون له لارې خپاره شي.
د اوبو معین د کارکوونکو له فعالیتونو څخه د لیدنې پر مهال د هغوی ستونزې هم واوریدې او د حل په موخه یې اړوندو مسوولینو ته لازمې لارښوونې وکړې
