د اوبو او انرژي وزارت د اوبو معین په کندز ولایت کې د آمو سیند د تحکیماتو د بیړنۍ پروژې د ګبیوني ډکو څخه لیدنه وکړه
د اوبو او انرژي وزارت د اوبو معین محترم مجیب الرحمن عمر آخندزاده او ورسره مل د دغه معینیت یو شمېر مرکزي رئیسانو او د آمو سیند غاړو د تحکیماتو رئيس محترم مولوي سید غلام مشواڼي د کندز ولایت د امام صاحب ولسوالي د برزنګي نجم الدین کلي د بېړنۍ پروژې د ګبیوني ډکو څخه لیدنه وکړه.
د اوبو محترم معین د دغې پروژې د چارو د لیدلو پرمهال اړوندو مسؤلینو ته د پروژې د چارو د چټکتیا په هکله اړینې لارښوونې او سپارښتنې وکړې او زیاته یې کړه، چې د آمو سیند د ویجاړیو د زیانونو د لا کمولو په موخه باید د اوبو مسیر اصلي لوري ته واړول وشي .
همدارنګه د اوبو محترم معین کندز ولایت ته په خپل دغه سفر کې د سپین زر تولیدي شرکت څخه لیدنه وکړه او د نوموړي شرکت د مسؤلینو له لوري ورته د دغه شرکت په هکله اړین معلومات وړاندې شول.
