د اوبو او انرژي وزارت د داخلي پلټنې رئیس د لغمان سیندیزې فرعي حوزې له رئیس سره وکتل
د اوبو او انرژي وزارت د داخلي پلټنې رئیس محترم الحاج مولوي فضل الرحمن سعید او ورسره مل پلاوي لغمان ولایت ته د خپل سفر په ترڅ کې د لغمان سیندیزې فرعي حوزې رئیس محترم مولوي شیرجان راشدي او د یاد ریاست له کارمندانو سره وکتل.
په دغه لیدنه کې د لغمان سیندیزې فرعي حوزې رئیس د نوموړې حوزې د کړنو او شته ستونزو په هکله بشپړ معلومات وړاندې کړل او نوموړي پلاوي ته یې د هر ډول همکاري ډاډ ورکړ.
همدارنګه، د داخلي پلټنې رئیس د اسلامي شریعت له نظره د پلټنې او د پلټنې د پروسې په هکله هر اړخیزه وینا وکړه او د نوموړې حوزې کړنې یې هم وستایلې.
