د اوبو او انرژي وزارت د دعوت او ارشاد رئيس د هریرود- مرغاب په عمومي سیندیزه حوزه کې د مسلمانانو ترمنځ پر اسلامي اخوت او یوالي باندې ټینګار وکړ
د اوبو او انرژي وزارت د دعوت او ارشاد رئيس محترم مولوي ګل رحمن عارف هرات ولایت ته سفر کړی او د هریرود- مرغاب سیندیزې عمومي حوزې او د لاندني هریرود سیندیزې فرعي حوزې له کارمندانو سره په یوې ناستې کې د اسلام د مبین دین د اصولو او فروع او د رالېږل شوو فرمانونو او هدایاتو د پلي کولو په هکله خبرې وکړې.
په دغه ناسته کې، د وزارت د دعوت او ارشاد رئيس د مسلمانانو ترمنځ پر یوالي او اسلامي اخوت باندې ټینګار وکړ او له ټولو کارمندانو څخه یې وغوښتل چې دیني ارشاداتو ته بشپړه پاملرنه وکړي.
