د اوبو او انرژي وزارت د رهبرۍ هیئت پنځمه جلسه ترسره شوه
په دې ناسته کې چې د اوبو او انرژي سرپرست وزیر ملا عبداللطیف منصور تر ریاست لاندې د دواړو معینانو او عمومي رئیسانو په ګډون ترسره شوه، په مختلفو اداري او تخنیکي موضوعاتو په اړه بحث اود نظرونو تبادله ترسره شوه.
د اوبو او انرژي وزارت د هغه ملکیت سرنوشت ټاکنه او بررسي چې د سویډن کمیتې مرکزي دفتر سره قرارداد شوی دی، د اداري خدماتو بهتروالي په موخه اداري مدیریتي موضوعات، د ترکیه هیواد د صنعت کارانو انجمن او اوبو او انرژي وزارت ترمنځ د تفاهم لیک مسوده، او د کمال خان بند اوبو اړونده مسائیل له هغه موضوعاتو څخه وو چې په یاده ناسته کې په هغو باندې بحث اود نظرونو تبادله وشوه او لازم تصمیمونه ونیول شول.
د اوبو او انرژي وزارت سرپرست وزیر ښاغلي ملا عبداللطیف منصور د ټولو موضوعاتو له بررسۍ وروسته په هر اړخیزه ډول اړونده مسؤلینو ته لازمې لارښوونې وکړې.
د اوبو او انرژي وزارت
