د اوبو او انرژي وزارت د لاسته راوړنو په هکله د حکومت د رسنیو په مرکز کې رسنیز کنفرانس ترسره شو
د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده، د وزارت د مقام ویاند ښاغلي مولوي اخترمحمد نصرت، د انرژي پروګرامونو رئيس ښاغلي انجنیر فرهاد محمودي او د اوبو د انسجام رئيس ښاغلي انجنیر رفیع الله ستانکزي د حکومت د رسنیو په مرکز کې د یوه رسنیز کنفرانس په ترڅ کې د اوبو او انرژي وزارت لاسته راوړنې له رسنیو سره شریکې کړې.
په یاد کنفرانس کې ، د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده د اوبو او انرژي وزارت د ټولو کړنو، لاسته راوړنو، د اوبو او انرژي وزارت د راتلونکي پلانونو د اوبو د حکومتولۍ په برخه کې ، د اوبو سرچینو پېژندنه ، مدیریت ، د اوبو چارو دتنظیم او د برېښنا انرژي د تولید د پراختیا په هکله بشپړ معلومات وړاندې کړل.
وروسته، د انرژي پروګرامونو رئيس ښاغلي انجنیر فرهاد محمودي د وزارت د پلانونو په هکله د انرژي د پراختیا او د انرژي د تولید په هکله خبرې وکړې.
همدارنګه د کنفرانس په دوام کې د اوبو او انرژي وزارت ویاند ښاغلي مولوي اخترمحمد نصرت د اوبو د مدیریت او سپما په موخه د عامه پوهاوي په برخو کې د دغه وزارت د نشراتي او مطبوعاتي فعالیتونو او له غوښتونکو سره د معلوماتو د شریکولو په اړه خبرې وکړي.
د یادولو وړ ده، چې د کنفرانس په پای کې د خبریالانو پوښتونو ته د اوبو معین او نورو مسؤلینو لازم ځوابونه وړاندې کړل.
