د اوبو او انرژي وزارت د معلوماتي ټکنالوژي ریاست له لوري ښوونیز مدیریتي سیسټم (Learning Management System ) پرانیستل شو
د دغه نوي سیسټم د پرانیستلو په بهیر کې د اوبو او انرژي وزارت د معلوماتي ټکنالوژي ریاست متخصصینو د هغه د ارزښت، ګټو او ګټې اخیستنې د څرنګوالي په هکله په هر اړخیزه توګه معلومات وړاندې کړل.
د یادونې وړ ده، چې دغه سیسټم د غوره مدیریت، د ښوونې په برخه کې د اړینو آسانتیاو د چمتو کېدو، د کارمندانو لپاره د ښوونیزو برنامو چارو د انسجام او په بېلابېلو علمي او تخنیکي برخو کې د هغوی د پوهاوي لوړولو د ودې په موخه جوړ شوی دی.
د دغې برنامې له لارې کارمندان کولای شي د ټولو ورکشاپونو، سمینارونو او نورو ښوونیزو برنامو منځپانګو ته چې د وزارت د بېلابېلو ریاستونو له لوري ترسره کېږي، په آساني سره لاسرسی و مومي او په دوامداره توګه د خپلې پوهاوي کچه پیاوړي کړي.
