د اوبو او انرژي وزارت د ځمکې لاندې اوبو کچې د اندازه کولو لپاره د اندیکاتور یو شمېر آلې چمتو کړې دي
د اوبو او انرژي وزارت د اوبو د سرچینو عمومي ریاست اړوند د ځمکې لاندې اوبو سرچینو ریاست ١٠٠ پایې اندیکاتور آلې چې د ځمکې تر ٢٠٠ متره ژوروالي د اندازه کولو وړتیا لري، د دې وزارت اړوند د اوبو او انرژي ریاستونو لپاره چمتو کړي دي.
د یادولو وړ ده چې نوموړې تخنیکي آلې له څارنیزو څاګانو څخه د ځمکې لاندې اوبو د اندازه کولو په موخه کارول کیږي، چې د څارنیزه شبکو په پراختیا سره به د هېواد د ځمکې لاندې اوبو له سرچینو څخه غوره څارنه او مدیریت ترسره شي.
