د اوبو او انرژي وزارت سرپرست وزیر د فاریاب ولایت د شیرین تګاب فرعي سيندیزې حوزې د مسؤولینو، او د یاد ولایت مخورو سپین ږیرو او قومي مشرانو سره ولیدل.
د اوبو او انرژي وزارت سرپرست وزیر الحاج ملا عبداللطیف “منصور” د فاریاب ولایت د شیرین تګاب سیندیزې حوزې مسؤولینو، او د یاد ولایت مخورو سپین ږیرو او قومي مشرانو سره د یادې حوزې په ریاست کې په داسې حال کې چې د شمال عمومي سندیزې حوزې رئیس انجنیر رفیع الله مجتبی او د فاریاب ولایت فرعي سندیزې حوزې رئیس ملا محی الدین مبارز یې ملتیا کوله، ولیدل.
یاده لیدنه کې د اوبو او انرژي وزارت سرپرست وزیر د یادې فرعي سيندیزې حوزې مسؤولینو او د یاد ولایت د مخورو سپین ږیرو او قومي مشرانو وړاندیزونه، غوښتنې او مشکلات واوریدل، او د یاد ولایت په اوبو، برېښنا، بندونو، چکډېمونو، کانالونو او په خاصه توګه د المار او دهندرې بندونو د پاتې چارو په هکله بحث او د اندونو تبادله وکړه او همدارنګه د اوبو او انرژي وزارت سرپرست وزیر د دوي ستونزو ته د متوازن انکشاف او شته امکاناتو په پام کې نیولو سره د رسیدګۍ ډاډ ورکړ.
په پای کې، د اوبو او انرژي وزارت سرپرست وزیر د یادې حوزې مسؤولینو ته د هغوي د ورځني کارونو او مسؤولیتونو اړوند اړینې سپارښتنې وکړې، او په چارو کې یې ورته د لا پیاوړتیا په پار دعا وکړه.
