د اوبو او انرژي وزارت سلاکار معرفي شو
ښاغلی ډاکټر غلام فاروق" اعظم " د اوبو او انرژي وزارت د سلاکار په توګه د یوې رسمي غونډې په ترڅ کې د اوبو او انرژي وزارت د اوبو او انرژي معینانو او د وزارت د مرکزي رئیسانو په شتون کې د اوبو او انرژي وزارت د سرپرست وزیر ښاغلي ملا عبداللطیف "منصور" له خوا د وزارت کارکوونکو ته ور وپېژندل شو.
د اوبو او انرژي وزارت سرپرست و زیر ښاغلي ملا عبداللطیف "منصور" د وزارت د سلاکار د پېژندلو په غونډه کې هغوی نه ستړي کیدونکی مجاهد او ستر علمي شخصیت و باله او په ور سپارل شوي دنده کې یې ورته د بریا غوښتنه وکړه.
د یادولو وړ ده، چې ښاغلی ډاکټر غلام فاروق "اعظم" د کندهار ښار په لومړي ناحیې کي زیږیدلی او د اوبو د سرچینو د پراختیا په برخه کې په آمریکا او انګلستان کې د دوکتورا تر کچې پوري زده کړې ترسره کړي دي.
ښاغلی ډاکټر غلام فاروق" اعظم" د مجاهدینو په حکومت کې د ښوونې او روزنې او همدار راز د کډوالو او بېرته راستنیدونکو وزیر په توګه دنده ترسه کړي ده.
ښاغلی ډاکټر غلام فاروق "اعظم " اوس د اوبو او انرژي وزارت د سلاکار په توګه د اوبو او انرژي وزارت په وړاندیز او د ریاست الوزرا په منظوري سره نن د یوې رسمي غونډې په ترڅ کې د وزارت کارکوونکو ته ور وپېژندل شو.
