د اوبو او انرژي وزارت مالي او اداري عمومي رئیس د کابل ولایت یو شمیر قومي مشرانو، استادانو، معلمینو،صاحب منصبانو او مخورو سره وکتل.
د اوبو او انرژي وزارت مالي او اداري رئیس ښاغلی الحاج محمدالدین نیازی د خپل کار په دفتر کې دکابل ولایت د یو شمیر قومي مشرانو، استادانو، معلمینو، صاحب منصبانو او مخورو سره وکتل، او په مختلفو سیاسي او اجتماعي موضوعاتو په اړه یې بحث اود نظرونو تبادله وکړه.
ښاغلي نیازي په دې لیدنه کې هغوته د افغانستان د اسلامي امارت سیاستونو او اوبو او انرژي وزارت د فعالیتونو په اړه معلومات ورکړل، او ښاریانو ته د اجتماعي خدمتونو په وړاندې کولو او پروژو د تطبیق په اړه د هغو د همکارۍ غوښتونکی شو.
ملاقات کوونکو د اوبو او انرژي وزارت له فعالیتونو څخه قدرداني وکړه او د وزارت سره یې د خپلو همکاریو وعده وکړه.
د اوبو او انرژي وزارت
