د اوبو او انرژي وزارت په رهبري غونډه کې د ۱۴۰۴ هـ ل کال د تشکیل، مالي او تدارکاتي ستونزو لپاره د مناسبې حل لارې موندلو او یو شمېر نورو موضوعاتو په هکله خبرې وشوې
دغه ناسته د اوبو او انرژي د سرپرست وزیر محترم الحاج ملا عبداللطیف منصور تر رهبري لاندې د دغه وزارت د اوبو معین محترم مجیب الرحمن عمر آخندزاده،سلاکارانو ، عمومي رئيسانو، رئيسانو او تخنیکي مسؤلینو په شتون کې ترسره شوه.
په دغه ناسته کې، د وزارت د تشکیل د معیاري کولو، د روان کال د بودجې په سم ډول مصرفولو، د ۱۴۰۴ هـ ل کال د تشکیل د غوره ترتیبولو، د مالي او تدارکاتي ستونزو لپاره د مناسبې حل لارې موندلو او یو شمېر نورو موضوعاتو په هکله بحث او د اندونو تبادله وشوه.
د ناستې په بهیر کې رئيسانو د نوموړو موضوعاتو په هکله خپل وړاندیزونه او اندونه وړاندې کړل او اړین تصمیمونه ونیول شول.
همدغه راز، د اوبو او انرژي سرپرست وزیر اړوندو رئیسانو او مسؤلینو ته د تشکیل د معیاري کولو او د راتلونکي کال د تشکیل د غوره ترتیبولو او د مالي او تدارکاتي ستونزو لپاره د مناسبې حل لارې په هکله اړینې لارښوونې او سپارښتنې وکړې.
