د اوبو او انرژي وزارت څلور تنه رئيسان په خپلو نویو دندو کې همکارانو ته ور وپېژندل شول

د اوبو او انرژي وزارت څلور تنه رئيسان د دغه وزارت د رهبري مقام د لزوم دید او د افغانستان اسلامي امارت د ریاست الوزرا د لوړ مقام د حکم پر بنسټ په نویو دندو کې وټاکل شول.

په دغه ادلون، بدلون کې محترم مولوي عزیزالله افضلي چې مخکې یې د پایدارې انرژي د عمومي رئيس په توګه دنده ترسره کوله د تدارکاتو د رئيس په توګه، محترم مولوي ولي محمد تائب د تدارکاتو مخکینی رئيس د انرژي زونونو د انسجام د رئيس په توګه، محترم نثاراحمد مموزی چې مخکې یې د اوبو سرچینو د عمومي رئيس په توګه دنده ترسره کوله د اوبو تاسیساتو او شبکو د ساتنې، څارنې او ګټې اخیستنې د رئيس په توګه او محترم انجنیر حبیب الرحمن حقپال چې مخکې یې د اوبو تاسیساتو او شبکو د ساتنې، څارنې او ګټې اخیستنې د رئيس په توګه دنده ترسره کوله د اوبو سرچینو د عمومي رئيس په توګه وټاکل شول او همکارانو ته ور وپېژندل شول.