د اوبو او انرژي وزرات سرپرست وزیر د خاتم الانبیا دارالایتام له شاګردانو سره وکتل
د اوبو او انرژي وزرات سرپرست وزیر محترم ملا عبداللطیف منصور د خپل کار په دفتر کې د پکتیا ولایت د زرمت ولسوالي د خاتم الانبیا دارالایتام له شاګردانو سره چې د نوموړي په بلنه کابل ته په سیاحتي سفر راغوښتل شوې وو، وکتل.
نوموړی دارالایتام د اوبو او انرژي وزارت د سرپرست وزیر له خوا د هغو اتلو مجاهدینو د زامنو د غوره روزنې او پالنې لپاره چې پلرونه یې د آمریکایانو د ۲۰ کلن اشغال په وخت کې د شهادت لوړ مقام ته رسېدلي دي ، جوړ شوی دی.
د یاد دارالایتام شاګردان د دې لپاره کابل ته په سیاحتي سفر راغوښتل شوې دي، چې د خپلو د پلرونو د نه شتون له کبله د خواشینۍ احساس ونه کړي او پوه شي چې د دوی د پلرونو د سنګر ملګري د دوی پالنې او روزنې ته ژمن او پر دوی باندې د خپلو پلرونو په څېر شفقت کوونکي دي.
