د اوبو او انرژي په وزارت کې د مصوباتو د تطبیق د څارنې او اروزنې په موخه د همغږي ناسته ترسره شوه
په یاده ناسته کې د اوبو او انرژي وزارت سرپرست وزیر ښاغلي ملا عبداللطیف منصور د افغانستان اسلامي امارت د چارو ادارې لوی ریاست د څارنې او تګلارې مرستیال ښاغلي مولوي سیف الدین تائب سره د اوبو او انرژي په وزارت کې د مصوباتو د څېړلو، څارنې او ارزونې په هکله بحث او د نظر تبادله وکړه.
د ناستې په بهیر کې، د چارو ادارې عمومي ریاست د څارنې او تګلارې مرستیال د اوبو او انرژي وزارت د رهبري له مقام څخه و غوښتل چې په دې وزارت کې د مصوباتو د پلي کولو لپاره د اړوندو چارو په برخه کې همکاري وکړي.
د اوبو او انرژي وزارت سرپرست وزیر ښاغلي ملا عبداللطیف منصور د څارنې او څېړلو د ترسره کولو څخه هر کلی وکړ او د یادې موضوع ارزښت ته په اشارې سره یې د مصوباتو له تطبیق څخه د څارنې او ارزونې تر سره کول د چارو د غوره ترسره کولو لپاره یو اړین کار و باله.
ښاغلي منصور د چارو ادارې لوی ریاست د څارنې او تګلارې مرستیال ته په یاده برخه کې د هر راز همکاري ډاډ ورکړ.
