د اوبو او نرژۍ وزارت سرپرست د لغمان ولایت والي او یو شمیر مسؤلینو سره وکتل
د اوبو او انرژۍ وزارت سرپرست ښاغلي ملا عبداللطیف منصور د لغمان ولایت والي ښاغلي قاري زین العابدین او د دې ولایت یو شمیر مسؤلینو سره وکتل او د دې ولایت شاهي کانال په اړه یې خبرې وکړې.
په دې لیدنه کې د لغمان ولایت والي او د دې ولایت د فرعي سندیزې حوزې یوشمیر تخنیکي مسؤلینو د شاهي کانال د وضعیت راپور د اوبو او انرژۍ وزارت سرپرست په حضور کې وړاندې کړ او د یادې پروژې د تطبیق غوښتوونکي شول.
په دې لیدنه کې د اوبو او انرژۍ وزارت سرپرست ښاغلي منصور د یاد کانال له اهمیته یادونه وکړه، او د لغمان ولایت والی او مسؤلینو ته یې ډاډ ورکړ چې د یاد کانال د کار دوام به ډیر ژر شروع شي.
