د اوبو د غوره تنظیم په موخه د ارغنداب په سیندیزه فرعي حوزه کې ناسته ترسره شوه
د ارغنداب سیندیزې فرعي حوزې له لوري په جوړه شوې ناسته کې د کندهار ولایت د اوو ولسوالیو له قومي مشرانو او اوبو میرانو سره د اوبو د غوره تنظیم، کنترول او په یاده برخه کې د همغږیو رامنځته کولو په هکله بحث او د اندونو تبادله وشوه.
په دغه ناسته کې د نوموړو ولسوالیو قومي مشرانو او د اوبو میرانو خپلې ستونزې او وړاندیزونه د ارغنداب سیندیزې فرعي حوزې له مسئولینو سره شریکې کړې او د یادې حوزې د مسئولینو له لوري هم ورته د هوارولو ډاډ ورکړل شو.
