د اوبو د چارو د تنظيم ملي ادارې رهبرۍ او په ولسي جرګه کې د فاریاب ولایت استازو تر منځ ګډه ناسته تر سره شوه
په دغه ناسته کې د اوبو د چارو د تنظيم ملي ادارې عمومي رئيس انجینر خان محمد تکل او د دغه ادارې يو شمېر رئيسانو او انجينرانو په ولسي جرګه کې د فاریاب ولایت استازو سره د فاریاب ولايت د پښتون کوټ ولسوالۍ د دهنه درې د بند د کاسې د ځمکو استملاک په ستونزو بحث وکړ.
په ورته وخت کې د فاریاب ولایت د ولس استازو په سيمه کې د کار د سست والي او د پروسې له اوږدېدو په اړه اندېښنه څرګنده کړه.
په ټوله کې په دغه ناسته کې د لاندې موضوعاتو په حل باندې ټينګار وشو:
د فاریاب ولایت د پښتون کوټ ولسوالۍ د دهنه درې بند د پروژې پر تطبیق، د اوبو لګونې او اوبو رسونې په معیاري پلان ټينګار کول.
په ملي شورا کې د دغه ولایت استازو، د فاریاب ولایت رهبري او نورو اړونده ادارو په همکارۍ، د ښار جوړونې او ځمکو وزارت له لارې د خلکو ستونزو ته رسېدل، د استملاک پروسې تطبیق، د خلکو بیا میشتېدل.
د پروژې له کار څخه څارنه، او په سیمه کې د کار پلي کول.
