د اوبو معینیت اتمه اونیزه ناسته ترسره شوه
دا جلسه د اوبو او انرژي وزارت د اوبو معین ښاغلي انجنیر مجیب الرحمن عمر تر ریاست لاندې د اوبو برخې ټولو رئیسانو په ګډون ترسره شوه.
په دې ناسته کې په مختلفو تخنیکي موضوعاتو لکه د اوبو لګونې او بريښنا تولید لویو پروژو دوباره شروع د ځنډ ختمول، تر کار لاندې منځنیو او کوچنیو پروژو د ځنډ ختمول، د پروژو د انوایسونو طی مراحل کول او نورو تخنیکی موضوعاتو بحث او نظرونو تبادله وشوه.
د اوبو ښاغلي معین د ناستې په جریان کې د ټولو موضوعاتو راپور په مفصل ډول وڅېړه او اړونده رئیسانو ته یې لازم تخنیکي هدایات ورکړل.
د یادونې وړه ده چې په دې ناسته کې دلویو پروژو لکه: د هرات ولایت پاشدان بند، د کمال خان بند دریم فاز، لغمان ولایت شاهی کانال، فاریاب ولایت دهنه دره بند، د کار بیا شروع کیدو د ځنډ رفع کول، د کار لاندې منځنیو او کوچنیو پروژو د کار شروع کول، د پراختیايي بودیجې د مصرف پلان جوړول، د زابل ولایت د توری بند پروژې، د پکتیکا ولایت پلتوني بند او ارزګان ولایت شفلوع بند د کارونو بیا شروع کیدو او ځنډ ختمولو چې د ملي پراختیا شرکت سره مخکې قرارداد شوی دی، د کوچنیو پروژو د انوایس طی مراحل کول او یو شمیر نور تخنیکي موضوعات په مفصل ډول وڅیېړه او لازم تصمیمونه ونیول شول.
د اوبو او انرژي وزارت
