د اوبو معینیت اونیزه تخنیکي ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د رئيسانو، سلاکارانو او د اوبو سکتور د تخنیکي مسؤلینو په ګډون ترسره شوه.
په دغه ناسته کې، د اوبو د مدیریت اړوند څو اړین موضوعات وڅېړل شول او همدارنګه د بدخشان د واخان د یخچالونو د وضعیت، د یخچالي جهیلونو تحلیل او پر آمو سیند باندې يې د اغېزې پرزنټیشن هم وړاندې شو.
د ناستې په بهیر کې د نوموړو موضوعاتو په هکله اړین تصمیمونه ونیول شول او د اوبو د محترم معینیت له لوري اړوندو ریاستونو ته د پر وخت اجراآتو د ترسره کولو په موخه اړینې سپارښتنې وشوې.
