د اوبو معینیت تخنیکي ناسته د اوبو د پروژو د تطبیق په برخه کې د کرنې وزارت سره د لا زیاتې همغږۍ، په سیندیزیو سیمو کې د پروژو د کار د چټکتیا او یو شمېر نورو مهمو او اړینو تصامیمو په موخه ترسره شوه.
په دې غونډه کې چې مشري یې ښاغلی انجنیر مجیب الرحمن عمر آخندزاده د اوبو او انرژی وزارت د اوبو معین کوله د اوبو سکتور د ټولو رئیسانو او مسولینو په حضور کې جوړه شوه. په دې غونډه کې په مهمو تخنیکي او اداري مسایلو خبرې وشوې.
د اوبو د پروژو په پلي کولو کې د کرنې وزارت سره همغږي، په سیندیزو سیمو کې د اوبو د پروژو د سروې چارې ګړندۍ کول٫ په کابل کې د ځمکې لاندې اوبو د مصنوعي تغذیی پروژې د تطبیق لپاره برابرول٫ د اوبو د سکتور د کارکوونکو د کړنو په اړه ارزونې او یو شمیر نور مهم تخنیکي مسایل شامل وو. چی په نننۍ ناسته کې په دې اړه لازم تصمیمونه ونیول شول. د اوبو او انرژی وزارت د اوبو معین ښاغلی محترم انجینر مجیب الرحمن عمر آخندزاده د یادو ټولو موضوعاتو راپور د مسؤلینو لخوا واوریدی. او له هر اړخیزې ارزونې وروسته یې پریکړې وکړئ.
همدارنګه د اوبو او انرژي وزارت د اوبو معین ټولو اړوندو مسوولینو ته لازمې لارښوونې وکړې چې په خپل وخت یې تطبیق کړي.
