د اوبو چارو د تنظیم ملي ادارې او DT Global کمپنۍ (د امریکا نړیوالې پراختیایي ادارې همکاره کمپنۍ) د نماینده ګانو تر منځ د همغږۍ ناسته تر سره شوه.
د اوبو چارو د تنظیم ملي ادارې او DT Global کمپنۍ (د امریکا نړیوالې پراختیایي ادارې همکاره کمپنۍ) د نماینده ګانو تر منځ د همغږۍ ناسته تر سره شوه.
په یاده ناسته کي چي د اوبو چارو د تنظیم ملي ادارې د اوبو د تنظیم رئیس ښاغلي انجنیر نعیم الله سالارزی او DT Global کمپنۍ له لوري د AUWS پروژي مدير ښاغلي پاول ولسټینهولم (Paul Wolstenholme) تر منځ تر سره شوه، د دواړو ادارو یو شمیر مسؤلینو هم ګډون درلود.
په دې ناسته کي د هغه اجرائیوی سند په اړه بحث وشو کوم چي د افغانستان د ښاري اوبو او روغتیا ساتني د فعالیتونو په اړه د دخیلو ادارو دندي او مسؤلیتونه روښانه کوي.
ښاغلي نعیم الله سالارزي د نوموړي سند په اړه د اوبو چارو د تنظیم ملي ادارې واکونه او صلاحیتونه د اوبو د چارو د تنظیم د قانون په رڼاکې ګډونوالو ته واضح کړل او ټینګار یې وکړ تر څو په هیواد کي د اوبو د چارو اړوند هر فعالیت چې د هر ارګان لخوا ترسره کیږي، د یاد قانون په اساس باید د اوبو چارو د تنظیم ملي ادارې سره همغږي ولري.
همدارنګه د ښاغلي سالارزي له لوري د ښاري اوبو رسولو د خدماتو د بهتروالي په موخه د دي پروګرام فعاليتونه وارزول شول او د شته ستونزو د حل په موخه یې مسؤلینو ته لازمي سپارښتني وکړې.
د اوبو چارو د تنظیم ملي اداره
