د برېښنا مارکیټ سوداګریز رئيس او ورسره مل ټیم د برېښنا انرژي په برخه کې د فعالو شرکتونو د پېژندنې او د فعالیتو د ارزونې په موخه هلمند ولایت ته سفر وکړ
د برېښنا مارکیټ سوداګریز رئيس محترم حاجي دولت خان حقیار او ور سره مل د برېښنا انرژي د چوپړتیاوو د تنظیم عمومي ریاست تخنیکي ټيم د برېښنا انرژي په برخه کې د فعالو شرکتونو د پېژندنې ، د هغوی د فعالیتونو د ارزونې او د دغو شرکتونو د فعالیتونو د قانوني کېدو په موخه هلمند ولایت ته سفر وکړ.
ښاغلي حقیار او ورسره مل ټیم په دغه سفر کې د هلمند د د اوبو او انرژي له رئيس محترم مولوي محمد یعقوب قائم او د هلمند ولایت د انرژي زون آمر، محترم شیراحمد سره وکتل او د هلمند ولایت د برېښنا انرژي وضعیت او په دې برخه کې شته ننګونې یې و څېړلې او د هلمند ولایت په مرکز لښکرګاه کې د بېلابېلو سوداګریزو مرکزونو څخه لیدنه وکړه.
همدارنګه ښاغلي حقیار او ورسره مل ټیم کجکي ولسوالي ته سفر وکړ او د کجکي بند د بېلابېلو برخو څخه څارنه وکړه.
په ورته مهال، نوموړي ټیم د هلمند ولایت د برېښنا له رئيس سره لیدنه وکړه او د کجکي او سنګین ولسوالیو د برېښنا د ستونزو د هوارولو په هکله بحث او د اندونو تبادله وکړه.
