د برېښنا مارکیټ سوداګریز نوی رئيس همکارانو ته ور وپېژندل شو
محترم حاجي دولت خان "حقیار" د اوبو او انرژي وزارت د رهبري مقام د لزوم دید پر بنسټ د برېښنا مارکیټ د سوداګریز رئيس په توګه ټاکل شوی او په یوه ناسته کې د دفتر د عمومي رئيس محترم قاري محمد عبدالعزیز عزیز له لوري په داسې حال کې چې د مالي او اداري عمومي رئيس محترم الحاج محمدالدین نیازي او یو شمېر نورو رئيسانو هم شتون در لود، همکارانو ته ور وپېژندل شو.
ښاغلي حقیار له هېواد څخه بهر خپلې زده کړې د لیسانس تر کچې پورې پای ته رسولې او تر دې مخکې یې د نږدې دوو کلونو لپاره د اوبو او انرژي وزارت د بشري سرچینو په ریاست کې د ادارې د پراختیا او د وړتیا لوړولو د آمر په توګه دنده ترسره کوله.
