د ترینکوټ سیندیزې حوزې مسؤلینو په ارزګان ولایت کې د خرما کانال د بیاجوړولو چارو څخه لیدنه وکړه
د ترینکوټ سیندیزې حوزې رئيس، د یاد ولایت والي ښاغلي مولوي محمدعلی جان احمد او د یاد ولایت یو شمېر نورو مسؤلینو په ارزګان ولایت کې د خرکاما کانال د بیاجوړولو چارو څخه لیدنه ترسره کړه.
د ترینکوټ سیندیزې حوزې رئيس د یاد کانال د چارو څخه د لیدنې پرمهال مسؤلینو ته یې د چارو د ښه پرمخ وړلو لپاره لازم هدایات ورکړل.
یاد کانال کابو ۳۵ کیلومتره اوږدوالی لري، ۲۱۰۰۰ جریبه ځمکه خړوبوي او تقریبا ۸۰۰۰ کورنۍ به ورڅخه ګټه واخلي.
د یاد کانال چارې د سیمې د خلکو او یو شمېر دولتي ادارو په مالي ملاتړ د ترینکوټ سیندیزې حوزې تر څارنې لاندې پرمخ وړل کېږي.
