د توربو اینرګو شرکت له مسؤلینو سره په بلخ ولایت کې د ډبروسکرو له سرچینو څخه د ۱۰۰ میګاواټه حرارتي برېښنا د پروژې په هکله خبرې وشوې
د شمال سیندیزې حوزې عمومي رئيس محترم انجنیر رفیع الله مجتبی د توربو اینرګو شرکت له مسؤلینو سره وکتل او په بلخ ولایت کې د ډبرو سکرو له سرچینو څخه د ۱۰۰ میګاواټه حرارتي برېښنا د تولید د پروژې په هکله بحث او د اندونو تبادله وکړه.
په دغه لیدنه کې، د شمال سیندیزې حوزې عمومي رئيس د ډبرو سکرو له سرچینو څخه د حرارتي برېښنا د تولید لپاره د نوموړي شرکت مسؤلینو ته ټاکل شوې سیمې وړاندیز کړې چې د هغوی له لوري یې هر کلی وشو او اړوندو مسؤلینو ته یې لارښوونه وکړه، چې د نوموړي شرکت له مسؤلینو سره په دې برخه کې همکاري وکړي.
