د خوشتپې اوبو لګونې کانال پروژې دسروې چارې به په نږدې راتلوونکې کې شروع شي
دشمال عمومي سیندیزې حوزې لوی رئیس د ملي پراختیا شرکت تخنیکي هیئت سره چې د رسمي چارو ترسره کولو او د پروژو ارزونې په موخه د هیواد شمال ته سفر کړی ؤ ولیدل.
په شروع کې د شمال سینديزې لوی حوزې رئیس مولوی عبدالحکیم حاجی حکمت د ملي پراختیا شرکت تخنیکي هیئت ته د ښه راغلاست ترڅنګ هغوئ سره لازم معلومات شریک کړه.
همدا شان په دې لیدنه کې چې د بلخ سیندیزې فرعي حوزې رئیس او د یادې حوزې یو شمیر انجنیرانو هم ګډون درلود، د ملي پراختیا شرکت تخنیکي هیئت د هیواد شمال ته د خپل سفر اساسي موخه د خویشتپې کانال سروې یاده کړه.
د دې لیدنې په جریان کې دواړه خواو د ضرورت وړ معلوماتو په شریکولو، او د ګډو پروژو د تطبیق په موخه په زیاتې همغږۍ او همکارۍ ټینګار وکړ.
د یادونې وړ ده چې د خوشتېپې د اوبو لګونې کانال د هیواد له شمال شرق قلعه ذال څخه شرع او د آمو سیند څخه سرچینې اخلي، دا کانال ۱۵۰ متره عرض لرونکی دی چې د بشپړیدو څخه به وروسته په زرګونه هکټاره زراعتي ځمکه د هیواد په شمال کې خړوبه شي.
د اوبو او انرژي وزارت
