د دعوت او ارشاد اصلاحي او روزنیز نصاب غونډه د اوبو او انرژي وزارت د انرژي معین په حضور کې جوړه شوه.
د تیرو غونډو د لړۍ په تعقیب، د دعوت او ارشاد ریاست اصلاحي او روزنېزه غونډه د اوبو او انرژي وزارت د انرژي معین ښاغلي مولوي عارف الله عارف او د دغه وزارت د دعوت او ارشاد رئیس ښاغلي مولوي ګل الرحمن عارف په حضور کې جوړه شوه.
په دې غونډه کې چې نن چهارشنبه د۱۵/۱۱/۱۴۴۳ د اوبو او انرژي وزارت په عمومي تالار کې جوړه شوې وه، د دغه وزارت د انرژي سکتور یو شمېر رئیسانو او کارکوونکو ګډون کړی و.
په دې غونډه کې د اوبو او انرژي وزارت د انرژي معین ښاغلي مولوي عارف الله عارف په لنډه توګه د اسلام تاريخ ته اشاره وکړه او اسلام يې يو بشپړ دين وباله چې ټول منظم سياسي، اقتصادي او ټولنيز پروګرامونه پکې شامل دي.
ښاغلي مولوي عارف وویل چې پیغمبر(ص) ویلي دي" دنیا لعنت شوې ده( دنیا د ډاډ او بریا حقیقي ځای نه ده) او هر هغه څه چې په دنیا کې دي [ مګر د خدای(ج) یاد او هر هغه څه چې د خدای یاد ته نږدې دي او د پوهې لار او د پوهې غوښتنه."
ښاغلي مولوي عارف قرآن کریم د انسانانو تر ټولو غوره اساسي قانون وباله او زیاته یې کړه: ټول هغه قوانین چې د انسانانو له خوا جوړ شوي دي، که د قرآن او نبوي احادیثو پر بنسټ نه وي، نو د خدای او رسول صلی الله علیه وسلم له خوا څخه مردود دي.
همدارنګه د انرژي معین په خپلو خبرو کې ټولې بریاوې د خدای(ج) له خوا و بللې او زیاته یې کړه چې خدای تعالی په دې قادر دی چې یو کوچنی ملت په ډيرو باطلو قومونو باندې برلاسی کړي او د دې بریا وسایل چمتو کړي.
په پای کې مولوی عارف الله عارف ټولو کارکوونکو ته د تقوا، عدالت او ایمان سپارښتنه وکړه او ټول کارمندان یې د قرآن کریم او نبوي احادیثو درسونو ته وهڅول.
