د شرقي زون (کونړ) انرژي د تنظیم آمریت لخوا د لغمان ولایت د قرغیو ولسوالي د سرخکانو د مهاجرینو کمپ لپاره د بریښنا د توزیع تخنيکى سروې ترسره شوه
د اوبو او انرژي وزارت د انرژي معینیت د حکم پر اساس او د کونړ سیندیزې فرعي حوزې رئیس الحاج ملا دوست محمد حنفي په لارښوونه د شرقي زون انرژي د چارو د تنظیم آمریت د انجنیري تخنيکي ټیم لغمان ولایت ته کاري سفر وکړ.
د یاد سفر په ترڅ کې د لغمان ولایت د قرغیو ولسوالي د سرخکانو د مهاجرینو ښارګوټي۱۲۰۰ کورنیو ته د بریښنا د توزیع تخنیکي سروې ترسره او په نږدې راتلونکي کې به یې عملي چارې پيل شي.
