د شکر درې ولسوالي له سټیشن او د میربچه کوټ ولسوالي د سیاب بالا چکډم د چارو له بهیر څخه څارنه وشوه
د منځني کابل سیندیزې فرعي حوزې رئيس محترم مولوي نورالله حکمت او ورسره مل تخنیکي ټیم د کابل ولایت د شکر درې ولسوالي له سټيشن او د میربچه کوټ ولسوالي د سیاب بالا چکډم د چارو له بهیر څخه څارنه وکړه.
نوموړی چکډم د ۴۲ متره په اوږدوالي او ۴ متره په لوړوالي سره جوړیږي، چې د ۴ زره متر مکعب اوبو د ذخیره کولو د وړتیا په درلودلو سره ۷۰ جریبه ځمکه خړوبوي.
د نوموړي چکډم چارې د اسلامي امارت په مالي لګښت د (۴،۲۷۸،۲۸۳) څلور میلیونه، دوه سوه اته اویا زره، دوه سوه او درې اتیا افغانیو په ارزښت د منځني کابل سیندیزې فرعي حوزې تر څارنې لاندې پرمخ وړل کېږي، چې کابو ۲۳۰۰ کورنۍ به ورڅخه ګټه پورته کړي.
