د عامه پوهاوي خبرتیا
د روان کال د لړم (عقرب) د میاشتې له ۲۴ څخه تر ۲۵ پورې د سیندیزو حوزو په ځېنې ځایونو کې د اوبو د سطحې د لوړوالي او د سیلابونو اټکل شوی دی.
د اقلیم د بدلون د منفي اغیزې او د هیواد د هوا پیژندنې د اداري او د نړی پیژندل شويو موسمي ارګانونو د وړاندوینو له مخې د اورو ګرافیکي (غرني) ډول ورښت د هیواد ځینې ځایونو کې د واورې او په ځينو کې د بارانونو له امله دناڅاپه سیلابونو د راوتو اټکل کیږي.
په یادو تاریخونو کې آبریزه سېلابونه او د اوبو د کچې لوړوالی به د هریرود، کشک و کاشان، جوزجان، فاریاب، بلخ ، سمنگان، کندز، تخار، بدخشان، پنجشیر، غوربند، بامیان، لغمان، کنر، کابل، هلمند او فراه رود سیندونو پر لاره او د یادو ځایونو په ځینې سیلبرونو کې شتون ولري.
له دې کبله ټولوهغوهیوادوالو څخه چې د نوموړو سیندونو په غاړو کې هستوګن دي، په ډېر درنښت هیله کیږي، چې نوموړې موضوع نه ځانونه خبر کړي او د سیلاب د راتلو په ترڅ کې د سیند د غاړو هستوګن خلک خبر کړي، تر څو د ځان او خپلو ماشومانو د ساتنې لپاره د سیندونو په غاړو کې له هر ډول تګ او راتګ څخه ډډه وکړي، او د انساني او مالي زیانونو مخنیوی وشي.
