د غزني ولایت د سیندیزې فرعي حوزې رئیس د DRC موسسې له مسؤلینو سره وکتل
په یاده ناسته کې د مقر، ده یک، ناوي، ګیلان او قره باغ په ولسوالیو کی د منځني بندونو، چکدمونو، کانالونو او همداراز د استنادي دیوالونو د پروژو په اړه بحث او د نظر تبادله وشوه.
د غزني سیندیزې فرعي حوزې رئيس ښاغلي مولوي اسدالله منصوري د یادې موسسې له مسؤلینو څخه و غوښتل، چې د اوبو پروژو د مدیریت په برخه کې ورسره همکاري وکړي.
په ورته وخت کې د DRC موسسې مسؤلینو د غزني ولایت د سیندیزې فرعي حوزې رئيس ته د اوبو د مدیریت هر راز پروژو د عملي کولو په هکله د همکاري ډاډ ورکړ.
