د غوربند چاریکار سیندیزې فرعي حوزې کارمندانو ته د صنعتي، زراعتي او د څښاک د اوبو د څاګانو د کیندلو د اسنادونو د جوړولو په هکله د وړتیا لوړولو ښوونیزه برنامه پیل شوه
د غوربند چاریکار سیندیزې فرعي حوزې کارمندانو ته د وړتیا لوړولو دغه ښوونیزه برنامه د اوبو او انرژي وزارت د انجنیرانو له لوري د غوربند چاریکار سیندیزې فرعي حوزې رئیس انجنیر مجیب الرحمن حبیبي په شتون کې پیل شوه.
ښاغلي حبیبي د کارمندانو د وړتیا د لوړولو لپاره ددې ډول ښوونیزو برنامو په لاره اچولو په موخه د اوبو او انرژي وزارت له مقام څخه ستاینه وکړه او د دغو برنامو د اهمیت په هکله یې اړین توضېحات وړاندې کړل.
ټاکل شوې ده چې پهٔ دغې څو ورځنۍ برنامه کې کارمندانو ته په عملي او نظري توګه د سروې د څرنګوالي، د نوموړو څاګانو د اجازه ورکولو او نه ورکولو په هکله چې یوه نوې پروسه ده، د تجروبو تبادله او مفصل معلومات ورکړل شي.
