د فاریاب له مرستیال والي سره په دغه ولایت کې د برېښنا د جواز د ورکړي پروسې او د برېښنا انرژي خدمتونو د قانون د پلي کولو په هکله خبرې وشوې
د اوبو او انرژي وزارت د برېښنا مارکیټ حقوقي رئيس محترم الحاج محمد حارث زرمتي او ورسره مل ټیم د فاریاب د مرستیال والي محترم حمیدالله ارشاد او د دغه ولایت د فرعي سیندیزې حوزې، ښاروالي، صنعت او سوداګري او د برېښنا له رئيسانو سره لیدنه وکړه او د برېښنا انرژي خدمتونو د تنظیم عمومي ریاست د واکونو او وظیفوي صلاحیتونو او د جواز د ورکړي پروسې او پر هغه شرکتونو باندې چې په دغه ولایت کې د برېښنا د تولید او وېش په برخه کې فعالیت کوي د برېښنا انرژي د قانون د پلي کولو په هکله خبرې، اترې وکړې.
په دغه لیدنه کې، د فاریاب مرستیال والي د اوبو او انرژي وزارت را لېږل شوې پلاوي ته ښه راغلاست ووایه او د برېښنا انرژي د وړاندې کوونکو د قانوني کېدو په برخه کې د اوبو او انرژي وزارت دکړنو هر کلی وکړ او همدارانګه په دغه ناسته کې شته رئيسانو ته د ریګولتري په هکله معلومات وړاندې شول او په دې برخه کې د هر اړخیزې همکاري ډاډ ورکړ شو.
همدارنګه، د اوبو او انرژي وزرات لېږل شوی پلاوی او ورسره مل د فاریاب ولایت یو شمېر سیمه ییزو رئيسانو په میمنې ښار کې د یو شمېر مارکيټونو څخه لیدنه وکړه او د دوکاندارانو د تعرفې له وضعیت څخه پوښتنه وشوه او خلک د برېښنا رسونې له سیسټم څخه خوښ وو، او هېڅ ډول ډول ناقانونه سیسټم چې د برېښنا د تولید او وېش په برخه کې فعالیت وکړي، ترسترګو نه شو.
همدارنګه شمال زون ته د اوبو او انرژي وزارت لېږل شوی پلاوی د غضنفر ګروپ د شرکت له مسؤلینو سره وکتل او د دغه شرکت د بیاځلې فعالولو په موخه د نوموړي شرکت مسؤلینو ته اړینې مشورې ورکړل شوې او ورته ډاډ ورکړل شو چې د اوبو او انرژي وزارت رهبري د خپل صلاحیت په اډانه کې له پانګوالو څخه هر اړخیز ملاتړ کوي.
همدغه راز، یاد پلاوي د غضنفر ګروپ د برېښنا د تولیدي فابریکې د پروژې له سیمې څخه لیدنه وکړه.
