د فراه ولایت د خلکو د غوښتنې
د فراه ولایت د خلکو د غوښتنې او د افغانستان اسلامي امارت د کابینې د ۱۸/۰۱/ ۱۴۴۴ نېټې د (۳) مصوبې د (۳) بند په تاسي، د " ولس او بخش آباد" تر نامه لاندې په دې شمېرې سره(3000208009836) بانکي حساب د افغانستان د ننه او بهر د خلکو د مرستو د راټولولو په موخه رامنځته شوی دی،چې اقتصادي محترم کمېسېون هم د هغه پلاوي وړاندیزونه چې فراه ولایت ته یې سفر کړی وو، په خپل ۲۱/۹/ ۱۴۴۴ نېټې د (۹) ګڼې مصوبې په (۱) بند کې منظور کړي دي.
د دې وزارت د غوښتنې پر بنسټ او د افغانستان بانک او سوداګریزو بانکونو په همکاري، اوس د خلکو د مرستو د راټولولو د آسانتیا په موخه، په سوداګریزو بانکونو کې فرعي حسابونه هم پرانیستل شوي دي، چې جزئیات یې په لاندې ډول دي.
باید یادونه وکړو چې د دې مرستو د مصرفولو په پروسه کې د شفافیت په خاطر د اوبو او انرژي وزارت د سرپرست وزیر محترم الحاج ملا عبداللطیف منصور په سرپرستي د څلورو وزارتونو او قومي مشرانو څخه یوه مشترکه کمېټه جوړه شوې ده، ترڅو پخپل ځای او شفاف ډول د یادو مرستو د مصرف له بهیر څخه څارنه وکړي.
