د لاندني هلمند سیندیزې فرعي حوزې رئيس د اوبو د ګټې اخیستونکي ټولنې له غړو سره وکتل
د لاندني هلمند سیندیزې فرعي حوزې رئیس ښاغلي مولوي سید محمد ولي آغا د اوبو د ګټې اخیستونکي ټولنې له غړو سره وکتل او زرنج ښار ته د کمال خان له بند څخه د اوبو رسولو د څرنګوالي په هکله بحث او د اندونو تبادله وکړه.
د یادې سیندیزې فرعي حوزې رئيس وویل چې له کمال خان بند څخه زرنج ښار ته د اوبو رسولو په موخه د کانال یوه برخه تحکیم کاري ته اړتیا لري او د اوبو د ګټې اخیستونکي ټولنې غړو ژمنه وکړه چې د تحکیم کاري مصارف ورکوي.
ټاکل شوې ده چې د یادې ساحې تحکیم کاري د یاد ریاست تر څارنې لاندې ډېر ژر پيل شي.
