د لغمان ولایت د اوبو او انرژي ریاست ملت ته د حساب ورکولو په برنامه کې د ۱۴۰۳ کال ترسره شوو کړنو راپور وړاندې کړ
د لغمان ولایت د اوبو او انرژي رئيس محترم مولوي شیرجان راشدي ملت ته د حساب ورکولو په برنامه کې چې د لغمان مرستیال والي محترم مولوي اختر محمد مزمل او یو شمېر نورو سیمه ایزو مسؤلینو په شتون کې ترسره شوې وه، په ۱۴۰۳ لمریز کال کې د دغه ریاست له لوري د ترسره شوو کړنو راپور وړاندې کړ.
په دغه برنامه کې د ښاغلي راشدي د دغه ریاست له لوري په ۱۴۰۳ لمریز کال کې د یو شمېر رغول شوو پراختیایي پروژه په هکله هر اړخیز معلومات وړاندې کړل او زیاته یې کړه، چې شاهي کانال د دغه ولایت لپاره یوه حیاتي او بنسټیزه پروژه ده او چارې يې په چټکۍ سره روانې دي.
د لغمان د اوبو او انرژي رئيس د دغې برنامې په پاي کې د خبریالانو پوښتونو ته اړین ځوابونه ورکړل.
