د لغمان ولایت د شاهي کانال پروژې د چارو د څېړلو په هکله د همغږي ناسته ترسره شوه
دا ناسته د تېرو ناستو په دوام کې د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده تر مشري لاندې د رئيسانو، سلاکارانو، تخنیکي مسؤلینو او د قراردادي شرکت د استازي په ګډون ترسره شوه.
په دې ناسته کې، د یادې پروژې د مطالعاتو امکان سنجي، تخنیکي سروې او د پروژې د نورو چارو په هکله بحث او نظر تبادله وشوه.
د اوبو ښاغلي معین د تخنیکي مسؤلینو د اندونو تر آورېدولو وروسته، د یادې پروژې د چارو د تنظیم او چټکتیا په پار لازم تخنیکي هدایات ورکړل.
