د محمد آغې ولسوالي د آب بازک کلي یو شمیر مخورو خپلې ستونزې او وړاندیزونه د اوبو او انرژي له سرپرست وزیر سره شریکې کړې
د اوبو او انرژي سرپرست وزیر محترم الحاج ملا عبداللطیف منصور لوګر ولایت ته د خپل سفر په ترڅ کې د یاد ولایت د څرخ ولسوالي له ولسوال محترم مولوي محمد عبدالله او د محمد آغې ولسوالي د آب بازک کلي له یو شمیر مخورو سره وکتل.
په دغه لیدنه کې د نوموړي کلي مخورو د اوبو او انرژي په برخه کې خپلې ستونزې او وړاندیزونه د اوبو او انرژي له سرپرست وزیر سره شریکې کړې او د اوبو او انرژي سرپرست وزیر هم د شته امکاناتو په پام کې نیولو سره ددوی ستونزو ته د رسیدګي ډاډ ورکړ.
