د ملګرو ملتونو سازمان د پراختیا برنامې له ولایتي مسؤل سره په کاپیسا ولایت کې د اوبو پروژو د پلي کولو په هکله خبرې، اترې وشوې
د کاپیسا سیندیزې فرعي حوزې تخنیکي سلاکار محترم انجنیر نوید کاکړ د ملګرو ملتونو د پراختیا برنامې له ولایتي مسؤل محترم غلام مرتضی خاشع سره لیدنه وکړه او په کاپیسا ولایت کې د اوبو پروژو د پلي کولو په هکله بحث او د اندونو تبادله وکړه.
په دغه لیدنه کې د یاد سازمان له لوري د نوموړې حوزې په همغږۍ سره د اوبو سرچینو د څلورو پروژو، د خواجه کانال د بازو، په تګاب ولسوالي کې د تورې کلا د کانال او د فیروز خېلو کانال او د ملا د کلا د پلچکې د بیارغونې پروژو د پلي کولو په هکله بحث او د اندونو تبادله وشوه.
همدارنګه په دغه لیدنه کې د ملګرو ملتونو سازمان د پراختیا برنامې له لوري د کاپيسا سیندیزې فرعي حوزې په هغمږۍ سره د اوبو سرچینو د ۱۰ نورو پروژو د پلي کولو په تړاو چې د سیند د څنډو د تحکیماتو او د اوبو لګولو کانالونه پکې شامل دي هم خبرې، اترې وشوې.
