د میدان وردګ ولایت د جغتو ولسوالي قومي مشرانو د اوبو له معین سره په لیدنه کې د باریکاب د اوبو زیرمه کولو بند د جوړولو غوښتنه وکړه.
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د میدان وردګ ولایت د جغتو ولسوالي له قومي مشرانو سره ولیدل.
د جغتو ولسوالي قومي مشرانو د نوموړې ولسوالي په بابر مرادخان سیمه کې، چې له دې وړاندې د اوبو او انرژي وزارت له لوري پکې د بند د جوړېدو ابتدایی سروې ترسره شوې وه، د اوبو زیرمه کولو بند د جوړېدو غوښتنه وکړه.
د اوبو محترم معین په دغه لیدنه کې وویل، چې په نوموړې سیمه کې د اوبو زیرمه کولو بند به په پلان کې شامل کړي او په راتلونکي کې به يې انشاءالله چارې پیل شي.
