د ننګرهار سیندیزې حوزې مسؤلینو په افغانستان کې د FAO سازمان له عمومي مشر سره لیدنه ترسره کړه
د ننګرهار سیندیزې حوزې سرپرست ښاغلي مولوي سید محمد صادق هاشمي په افغانستان کې د FAO عمومي مشر ښاغلي ریچرډ ټرینچر سره وکتل.
په یاده لیدنه کې، د ننګرهار سیندیزې حوزې سرپرست په افغانستان کې د یاد سازمان عمومي مشر ته د اوبو د ښه مدیریت په هکله هر اړخیز معلومات وړاندې کړل او له هغه څخه یې د ځمکې لاندې اوبو د کمیدو د مخنیوي لپاره د چکدمونو او نوي کانالونو د جوړولو غوښتنه وکړه.
په ورته وخت کې، د FAO سازمان عمومي مشر په دې کتنه کې خپل راتلونکي پلانونه تشریح کړ او ژمنیه یې وکړه، چې د اوبو لګولو او کرنې سکتور ته به ځانکړي پاملرنه وکړي.
