د نیمروز ولایت د لښکري اوبو کانال د ویالې د اوبو ګټه اخیستونکي ټولنې غړو د لاندني هلمند زرنج سیندیزې فرعي حوزې له رئيس سره وکتل.
د لاندني هلمند زرنج سیندیزې فرعي حوزې رئيس ښاغلي سید محمد ولی آغا د لښکري اوبو کانال د ویالې د اوبو ګټه اخیستونکي ټولنې له غړو سره لیدنه ترسره کړه.
په یاده لیدنه کې، د اوبو د ګټه اخیستونکي ټولنې غړو د یادې سیندیزې فرعي حوزې له رئيس څخه د کمال خان بند د پاتې چارو د بشپړیدو، د لښکري کانال د ویالې د لایروبي لپاره د لازمو تدابیرو او د اوبو په برخه کې ستونزو ته د رسیدګي غوښتنه وکړه.
د لاندني هلمند زرنج سیندیزې فرعي حوزې رئيس د اوبو ګټه اخیستونکي ټولنې غړو د ستونزو او وړاندیزونو تر آورېدو وروسته، له دوی سره د شته امکاناتو او د ا.ا.ا د تګلارو په پام کې نیولو سره د ستونزو د هوارولو ژمنه وکړه.
