د نیکمرغه کوچني اختر د رارسیدو په مناسبت د مبارکۍ پيغام!
د نیکمرغه کوچني اختر د رارسیدو په مناسبت د مبارکۍ پيغام!
د کوچني اختر د را رسېدو له امله د افغانستان اسلامي جمهوریت جمهور رئيس، جلالتماب محمد اشرف غني، لومړۍ مېرمنې، د جمهوري ریاست د عالي مقام درنو مرستیالانو، د کابينې معززو غړو، د ملي شورا د مجلسینو مشرتابه او غړو، د سترې محکمې مشرتانه، لوی څارنوال، قومي مشرانو، ملي امنیتي او دفاعي ځواکونو، علماء، مشرانو، د ښوونځيو او پوهنتونونو ښاغلو استادانو، د اوبو چارو د تنظيم ملي ادارې هڅانده کار کوونکو، په هېواد دننه او بهر درنو افغانانو او د نړۍ ټولو مسلمانانو ته مبارکي وايم.
پروردګار دې دغه اختر په هېواد کې د اوربند، سولې، خوښۍ، يووالي او ورورولۍ پيلامه وګرځوي.
په پای کې ټولو درنو افغانانو څخه هيله کوم، چې په ورځني ژوند او په ځانګړي ډول د اختر په ورځو کې د هېواد ملي شتمنۍ (اوبو) په استعمال کې سپما وکړي.
اختر مو مبارک شه
په درنښت
انجینر خان محمد تکل
د اوبو چارو د تنظیم ملي ادارې عمومي رئيس
