د هریرود- مرغاب عمومي سیندیزې حوزې د کارمندانو لپاره ښوونیزه برنامه جوړه شوه
دغه ښوونیزه برنامه د اوبو او انرژي وزارت د اوبو سرچینو د عمومي ریاست او د سیندیزو حوزو د همغږۍ آمریت د مسؤلینو له لوري د هریرود- مرغاب عمومي سیندیزې حوزې رئيس محترم مولوي عبدالسلام مستوفي آغا په شتون کې د نوموړې حوزې د کارمندانو لپاره جوړه شوه.
په دغه ښوونیزه برنامه کې، د نوموړې سیندیزې حوزې کارمندانو ته د سټیشنونو د حفظ او مراقبت، د هایدرولوژيکي سټیشنونو څخه د ګټې اخیستنې، د سطحي اوبو سرچینو د معیاري ارقامو د راټولولو، تحلیل او په سیند کې د بند رسوباتو د تحلیل په برخو کې ښوونه ورکړل شوه.
د دغې څلور ورځني ښوونیزې برنامې په پای کې ګډونوالو ته سندونه ورکړل شول.
