د هریرود مرغاب – سیندیزې حوزې عمومي ریاست د یو شمېر کارمندانو لپاره د وړتیا لوړولو ورکشاپ ترسره شو
د اوبو او انرژي وزارت د ځمکې لاندې اوبو سرچینو عمومي ریاست انجنیرانو د هریرود-مرغاب سیندیزې حوزې عمومي ریاست او د هغه ریاست اړوند فرعي سیندیزو حوزو د ځمکې لاندې اوبو سرچینو ریاستونو د یو شمېر کارمندانو لپاره د وړتیا لوړولو په موخه ورکشاپ ترسره کړ.
په یاد ورکشاپ کې، د دې وزارت د ځمکې لاندې اوبو سرچینو عمومي ریاست کارمندانو د یادې سیندیزې حوزې کارمندانو ته د ځمکې لاندې اوبو سرچینو د مدیریت په برخه کې چې د هایدرولوجیکي شبکو پراختیا او رامنځته کول، د شته شبکو څخه د ځمکې لاندې اوبو ارقامو را ټولول، د جیوفیزیکي څېړنو د ترسره کولو په موخه د میتودلوژي پېژندل، د ساحو د څاه ګانو د کیندلو لپاره د هایدرولوجیولوژیکي سروې ګانو د ترسره کولو په موخه د نقاطو ټاکل، د ځمکې لاندې اوبو د وضعیت تحلیل او همدارنګه د باران اوبو د جمع کولو له لارې د ځمکې لاندې اوبو سرچینو تغذیې د لاروچارو پېژندنه پکې شامل دي، بشپړ معلومات وړاندې کړل.
د یادولو وړ ده، چې د یاد ورکشاپ په پای کې ګډونوالو ته ستاینلیکونه هم ورکړل شول.
